laugardagur, nóvember 15, 2003

 
Skamm Óli

Oj, Óli bara hættur að blogga djöfulsins... uh, ég meina *blót*! Núna fæ ég ekkert inside-information úr Deltunni nema gerast daglegur gestur þar... hmmm, það er hugmynd... ég er farin að sakna vinnunnar minnar svo :( *snökkt* *snökkt* *grát*

Ég lifi það af *snökkt* vona ég... posted by Unknown 00:22

 
Krakkadjöflar

Ég er ekki að skilja þetta allt í einu eru fullt af einhverjum litlum krakkadjöflum farnir að setja hotmail-addressuna mína inn á msnið sitt og spjalla við mig. What´s up with that??? Ekki nóg með það ef ég svara ekki þá tala þau við sjálfa sig þar til þeim fer að leiðast þá segja þau bæ og fara. Þetta eru litlir krakkar, svona 11-13 ára, á verstu gelgju sem ég hef séð... og ég hélt að mín sem ég er á núna væri slæm *dæs* T.d. var einn gaur að segja mér að við værum í sama skóla og hann væri meira að segja með mér í stærðfræði. Varð ég svolítið hissa á því en ákvað að leika mér smá að krakkanum og fiska hann svolítið. Ég spurði hann að því hvort hann væri líka í Varmá og hann sagði að svo væri. En þá sagði ég honum að ég væri nú ekkert í Varmá, þá viðurkenndi hann að hann væri heldur ekkert þar. Who could have guessed? Svo spurði hann mig að því hverjum ég væri skotin í... já hverjum ég væri skotin í, ég sagði að ég væri nú ekki skotin í neinum. Hann sagði mig ljúga því og bað mig um að svara en neibb það gerði ég ekki þá fekk ég fullt af reiðilegum "brosköllum" og bara öskur. Svo þegar gaurinn var búinn að ná sér niður þá spurði hann mig hvað ég væri gömul og ég sagði að ég væri 21 og væri í háskólanum. Litli strákurinn sem var búinn að segja mér rétt áður að hann væri 11 ára sagði mig ljúga þessu og bað mig um að hætta því. Ekki hafði ég hugmynd um hvað gaurinn var að tala því ekki var ég að ljúga. Svo bað hann mig um að sanna það og ég spurði hann á móti hvernig ég ætti að fara að því? Þá setti hann fyrir mig próf. Hann sagði að ef ég vissi hvað flóðhestur væri á ensku þá væri ég 21... HEHEHE... mjög góð rök þar... ég vildi að maður gæti notað þetta þegar maður er að fara inn á skemmtistaði og er beðinn um skilríki; "Nei, þú þarft ekkert að sjá þau, flóðhestur er hippopotamus á ensku" og labba inn. Minnir svolítið á Harry Potter og þegar krakkarnir eru að fara inn í heimavistarálmuna sína ;)
Jæja, þetta dugði eitthvað því hann kvaddi og loggaði sig út. Bjóst ég við að þetta væri nú búið en allt kom fyrir ekki því stuttu seinna kom litli snáðinn inn aftur og spurði mig að því hvort ég væri enn að þykjast vera 21... HAHAHA... drengurinn ætlaði sér augljóslega ekki að gefast upp svo ég sagði honum að hann sæi alveg í gegnum mig og ég væri bara jafn gömul honum. Eftir langa bið kom á svar frá stráknum að ég ætti ekki að láta svona og ætti að senda sér bara mynd til að sanna það að ég væri 21 en því neitaði ég. Ekki var pattinn sáttur við það og kvaddi.
Ekki hef ég heyrt í honum síðan... hehehe posted by Unknown 00:08

miðvikudagur, nóvember 12, 2003

 
Hálfnað verk þá hafið er

Samkvæmt þessu er ég hálfnuð með að standsetja Grettisgötuna. Vúhú, já er núna byrjuð á að mála herbergið mitt og þarf ekki að spyrja kóng né prest að því ;) Er einnig að taka hurðina sem er milli litla gangsins og litlu "stofunnar" minnar í burtu. Hugsa mér að hafa þar svona hengi í stað hurðar og stækka opið... held að það komi vel út þó það hljómi nú ekkert alltof vel. Já, svo er ég með milljón og tvær hugmyndir hvernig ég ætla mér að breyta íbúðinni... vantar aðeins fjármagn í þær hugmyndir en hver auka króna skal fara í lagfæringar. Jebb, jebb, jebb, gamanið er rétt að byrja... *glott*
Það hlakkar svo í mér... *enn stærra glott... bros jafnvel* posted by Unknown 01:16

sunnudagur, nóvember 09, 2003

 
Fór inn á síðuna hennar Hildar og varð að prófa þetta...

Rampaging over the freeway, cutting down all who dare stand in the way using a vorpal blade, cometh Anna! And she gives a mighty grunt:

"You in some shit now, muhfuh! I shall avenge my ancestors!!" posted by Unknown 22:28

fimmtudagur, nóvember 06, 2003

 
Ég var búin að fá snilldarhugmynd en hef nú steingleymt henni... ég er svo mikill gúbbí! posted by Unknown 16:34

 
Ég er bitur

Veit ekki af hverju en ég ákvað að vera bitur í tvo daga eða svo. Finn mér einhverja ástæðu til að vera bitur... offjölgun fólks í þriðja heiminum og eiðing þeirra á regnskógunum eða eitthvað ámóta uppbyggilegt.
Annars er stóra spurningin á ég að fara á einhverskonar bjórkvöld annað kvöld með líffræðinni, sem endar á því að ég drekk mig alltof fulla og geri einhverja skandala eða á ég að fara í ammæli til yndisins hans Palla á laugardaginn, sem endar með því að ég á eftir að drekka mig alltof fulla og gera einhverja skandala? Skandalarnir verða gerðir hvort sem er á föstud. eða laugard. aðallega vegna þess að ég er svo bitur. Hmmmm, allir sætu líffræðigaurarnir eða Palli beib og co.. Erfitt val! Kannski er málið að fara á bæði og ekki drekka neitt og gera samt fullt af skandölum??? Á maður að stíga í hægri fótinn eða þann vinstri... þetta er alltof erfitt sem þýðir að ég á eftir að fara bara að spila... hvernig sem ég fer að því...
Ég er að hugsa um að sofa á þessu. Er þá best að skrifa þetta á blað og sofa á því eða á ég að skrifa þetta á rúmfötin? Nú þarf ég sko að leggja höfuðið í bleyti. Á ég að nota bala eða bara fara útí næsta drullupoll?
Now I´m just confused... what to do, ohhh, what to do? :-s posted by Unknown 16:32

þriðjudagur, nóvember 04, 2003

 
Bridge

Ég fór að spila í gær *ótrúlegt* og keppnisstjórinn var að gera grín að mér, sem mér fannst reyndar bara soldið fyndið. Þegar hann sá mig vera að lesa Harry Potter sagði hann að Harry Potter væri nú ekki bókmenntaverk sem vert væri að lesa og hvað þá kaupa... ég ætti frekar að lesa Andrés Indriðason... já já... Hann er svo fyndinn, hann tók skormiðann af borðinu hjá okkur og ég sagði honum bara að brenna hann (ekki flottur skormiði ;) ). Hann setti upp þessi stóru augu, leit á pabba og sagði að honum finndist ég vera svolítið agressive. Svo glotti hann og labbaði burtu. Seinna um kvöldið fór ég til hans og bað hann um að leiðrétta skorið en hann sagði að bláu miðarnir og tölvuútreikningurinn hefðu meira vægi en mitt blað og mínir útreikningar, því væri ekki hægt laga þetta... ég sagði glottandi að hann mætti þá bara hirða stigin mín fyrir mér ;) og hann glotti leit síðan hneykslaður á mig og síðan á pabba og sagði honum aftur að ég væri svolítið agressive og spurði hann jafnframt hvort mér hafi ekkert verið gefið að borða í kvöld.
Hann er svo mikill snillingur... og tekur mig alltof alvarlega. Hey, that´s my family for you ;) posted by Unknown 20:51

 
Hvað er að höfðinu á mér?

Yfirleitt hefur fólk lög eða eitthvað sniðugt á heilanum, svo sem ekkert að því (vona ég). Að sjálfsögðu er það sama að segja um mig en undanfarið er ég búin að hafa hin ýmsu orð og setningar á heilanum einsog "This cute, little, fluffy thingy" og "I wanna bounce everywhere". Það sem kemur mér mest á óvart er að þetta er á ensku og hversu stelpulegt þetta er! Ekki það að ég ætti að kippa mér upp við neitt furðulegt hjá mér. Einog Bryngeir sagði svo skemmtilega í einu shout outinu "...ég verð hræddari við þessa Önnu í hvert sinn sem ég heyri frá henni (eða les eitthvað eftir hana)..." Ég er ekkert frá því að ég verði nú bara í alvörunni hræddari við sjálfa mig eftir því sem ég kynnist mér betur :-s posted by Unknown 20:45

mánudagur, nóvember 03, 2003

 
Bridge

Ætlaði að setja inn myndir en nenni því ekki, svo eru þær ekkert svo góðar... en ef ykkur langar að skoða þær smellið þá á bridge.is og þar á Íslm.kvk. í tvímenning. Þar eru myndir ein mjög góð af bakinu á mér *ég er bara komin með nokkuð sítt hár* svo er það mynd nr.16 þar er ég að spila við skerm (screne).
Þetta var skemmtilegt mót, þar sem við Soffía byrjuðum á því að vera neðsta fyrstu 3 umferðirnar með 64 eða 5 í mínus :-s en svo tókum við okkur á og enduðum í 9. sæti ekki svo amarlegt en ég veit ég get gert betur miklu betur... ég klúðraði þessu gjörsamlega, ég verð svo pirruð út í sjálfa mig fyrir að hafa ekki staðið mig betur *I´m really pisst off* posted by Unknown 00:07