fimmtudagur, október 14, 2004

 
Þrautinni þyngri

Það er ekkert smá sem er ætlast til af manni í þessu blessaða námi. Ég er ekki að segja að þetta sé leiðinlegt og langt í frá, en geta kennarar reynt að vera svolítið samstíga um vinnureglur og hvort maður eigi að hugsa sem þekkjandi manneskja eða vera einhver alger "copycat".
Ég er í áfanga sem heitir vistfræði sem er mjög skemmtilegur og áhugaverður, en skýrslugerðin er alveg hell. Mér finnst gaman að gera skýrslur og skoða gögn og pæla í því hvað er hægt að sjá út úr þeim, en vá!!! Þegar einn kennari segir okkur að hugsa sjálfstætt og velja okkur hvað við viljum taka fyrir og svo annar sem ætlast til þess að við gerum okkar skýrslur bara beint uppúr fyrri rannsóknarvinnum sínum þá er nú ekki auðvelt að vinna verkið. Svo nú eru flestir hundóánægðir með verkin sín og geðveikt fúlir út í kennarana. Mér finnst reyndar gagnrýnin sem ég hef fengið á skýrslurnar mínar flest góð og hjálpa mér til að bæta þær. En svo er verið að gagnrýna það hjá nemendum að það eigi ekki að vera rammi um þessa mynd, ekki vera inndregið hér og taflan eigi að vera hliðruð í hina áttina. Auk þess (sem var sett útá hjá mér) var sagt að ekki væri næg tölfræði í gögnunum, þegar var búið að segja við okkur af kennaranum að ekki þyrfti að vera tölfræði í líffræðiskýrlsum bara ef nægilega er útskýrt í texta. Svo varð annar kennari alveg óður yfir að nemendur skyldu ekki gera hans skýrslu upp aftur, heldur hefðu þeir hugsað sjálfstætt. OK, hann sagði ekki beint að endurskrifa sína skýrslu en það var það sem hann vildi fá. Af hverju sagði hann okkur þá ekki bara að endurskrifa hana?? En maður verður greinilega að meta hvern og einn kennara útaf fyrir sig.
Ég er samt sátt við mínar skýrslur og einkunnina á þeim en ég er reið fyrir annarra nemenda hönd, því margir hverjir voru að fá svo asnalega gagnrýni sem var ekki beint á skýrsluna heldur á uppsetningu hennar. Miðað við vinnu, þá var þetta ekki þess virði held ég. posted by Unknown 13:06

fimmtudagur, október 07, 2004

 
Núna er flutningurinn afstaðinn

Það er búið að vera alveg mikið meira en nóg að gera hjá mér undanfarna daga. Ekki bara það að skólinn er með overload af heimavinnu og skólamæting er frá 8-16 alla daga, þá hafði maður það nú líka af að flytja. Já, nú er ég flutt í vesturbæinn.
Það má segja að þetta sé í fyrsta skiptið sem ég flyt virkilega að heiman. Ég er flutt að heiman, úff. Núna finnst mér ég virkilega vera orðin fullorðin (ekki það að mér fannst það ekki áður en samt... skiljiði?!). Ekki nóg með það að vera flutt heldur er ég komin með heimasíma líka. Úff, talandi um að vera fá smá raunveruleikasjokk hérna! Þetta er ótvíræð merking þess að maður sé orðinn gamall!
Allavega er allt komið í lag hér og við Svavar þá loksins orðin ein... hmmm, það er alveg vitað hvað það þýðir... heheheheeee... posted by Unknown 13:09