miðvikudagur, júní 30, 2004

 
Bridge

Úfff, við erum ekki að gera góða hluti í Malmö. Já, þar er einmitt haldið EM í bridge og er landsliðunum okkar ekkert að ganga alltof vel. Karlarnir eru í þó í 15. sæti af 33 á meðan konurnar rétt hanga í 20. sæti af 22. En karlarnir hafa þó verið orðaðir við verðlaun á borð við "verstu vörn mótsins", "versta úrspil mótsins" og "verstu spilamennsku mótsins". Er ekki sagt að verðlaun séu verðlaun þó skammarverðlaun séu? Ég man eftir því þegar ég var yngri og var eitthvað óþekk (sem var sárasjaldan!) rétt fyrir jól, þá var mér gefin ("jólasveinninn") kartafla í skóinn. Ekki var ég nú óhress með það og var bara frekar ánægð. Hljóp víst fagnandi til mömmu og bað hana að sjóða hana strax, því "jóli" hafði verið svo góður að gefa mér mat :) Mamma var eitthvað að reyna að segja mér að þetta væru nú skammarverðlaun en ég var ekki að skilja hvernig kartafla gat verið eitthvað slæmt. Þegar mamma var búin að reyna í dágóðann tíma stóð hún upp og sauð bulluna fyrir mig og át ég hana ásamt smjöri með bestu list.
Þá sjáum við að ef einhver verðlaun verða hreppt þá er hægt að gera það besta úr þeim... eða mun betri hugmynd er endurnýja þessi blessuðu landslið og fá unga frjóa huga!!!
Já, hér segi ég að við eigum að snúa við blaðinu og átta okkur á því að þetta er ekki að gera neina lukku. Vissulega eru þetta gamalreyndir jaxlar sem hafa margt til bridgesins lagt hér en það verður líka að þjálfa upp nýtt fólk og fá einhverja endurnýjun inní þetta. Það er ekki alveg að gerast nú í dag en ég vona allavega að þessi óvelgengni þeirra í EM sýni þeim að það er eitthvað ekki rétt. Amk. opni aðeins augun á þeim að það þarf að bæta þetta. Það er lítill sem enginn metnaður í fólki hérlendis því það veit að það kemst ekkert áfram í þessu því landsliðið er fullskipað til dauðadags meðlima þess. En hvað þá? Á þá keppnisbridge bara að lognast útaf? Keppnisferðir erlendis? Bermúdaskálin? Við höfum nú unnið hana amk. einu sinni, árið 1990. Um það leiti var bridgelíf líka öflugt og var alltaf stöðug endurnýjun. Fólk átti möguleika á að komast í landsliðið og allt þar fram eftir götunum. En nú 14 árum seinna eru 3 af þeim 6 sem voru í landsliðinu þegar þeir unnu heimsmeistaratitilinn ennþá í því. Er þetta hægt?

Úff, ég verð stundum svo reið þegar maður horfir á unga mjög efnilega eða jafnvel alveg afburðagóða spilara vera hundsaða vegna þess að þessir gömlu þreyttu jaxlar unnu einu sinni titil! (ath. það var bara karla... nei, fyrirgefið opna landsliðið sem vann bermúdaskálina... konum er hvorki leyft að fara í opna landsliðið né hafa þær aldrei unnið bermúdaskálina)

Já svo maður skilji nú ekki eftir gremju sína gagnvart kvennsunum ekki eftir þá verð ég nú að segja að árangur þeirra er ekkert til að hrópa húrra yfir! Af hverju skildi það nú vera? Við skulum líta á málið... Í liðinu eru 6 konur valdar úr hópi þeirra bestu. Með fullri virðingu við konurnar verð ég að segja að það eru til nokkrar konur sem betur ættu heima í liðinu heldur en hluti þeirra sem þar eru. Þá er ég ekki að tala um sjálfa mig!!!! Ég veit það að ég er ekki í neinni þjálfun til að vera þarna og er ekkert svo viss um að ég hafi þann hæfileika sem til þarf. En burt séð frá því að horft sé framhjá mjög góðum bidgekonum, þá er þessi "ofur góði" þjálfari sem þær hafa ekkert að gera nein kraftaverk. Ég var nú bara á landsliðsæfingu einu sinni (eða tvisvar) og þá var talað við okkur einsog við værum hálfvitar og vissum ekkert hvað bridge var né hvað spil voru almennt. Hét ég því þá að ekki færi ég aftur í fyrsta lagi fyrr en það kæmi þjálfari sem bæri virðingu fyrir því að við (amk. ég) værum hugsandi manneskjur og hefðum heila sem við (amk. ég) vildum gjarnan nota! Ég veit til þess að amk. ein kvennanna sem stundaði þessar æfingar var svo hrifin af "þjálfaranum" að hún lofaði hann hásterkt og kom hinum konunum í trú um það að hann væri alveg æðislegur kennari og sjá þær nú ekki sólina fyrir honum. Kannski er hann bara svona óviðjafnanlega sætur... bíðið aðeins á meðan ég fer að gubba *ÆL*... persónlega sé ég ekkert við hann!
Kannski hefur hann breyst og er nú mikið betri þjálfari og reyni aðeins meira á þær. En hver er þá ástæða þessa lélega árangurs?

Æ, úfff, ég nenni ekki að vera gera mér einhverjar grillur útaf þessu en ég þurfti bara að fá smá útrás.


P.s. þetta eru bara mínar skoðanir séð útfrá mínu sjónarhorni en þær þurfa ekki endilega að endurspegla sannleikann. posted by Unknown 00:09

þriðjudagur, júní 29, 2004

 
Fótboltaleikurinn

Hehe já ég er líka komin með link á vinsæla fótboltaleikinn hér á síðuna ;)

**Allir að spila fyrir Liverpool** posted by Unknown 21:50

 
Footy footy footy

Svavar sendi mér þennan link (hér til hliðar undir ~footy footy~) um daginn og þetta er svolítið fyndið... allavega fyrir ykkur fótboltaáhugafólkið ;)

***Og hina líka***

posted by Unknown 21:41

mánudagur, júní 28, 2004

 
Fór að djamma á laugardagskvöldið

Það var ekkert smá gaman í partýinu sem við fórum í... til Ásgeirs. Kvöldið var stutt en mjög athyglisvert og margt gerðist á þessum stutta tíma.
Ég segi meira frá því síðar... síja. posted by Unknown 23:07

fimmtudagur, júní 24, 2004

 
Vinnan

Ég er sko að brillera í vinnunni. *hóst* Var eitthvað að flýta mér að draga lyftarann til að taka á móti vörum og klessti honum svo harkalega á vegginn að það datt partur af honum af :s He, hehe, svona smá obbosí! Ekki nóg með þetta þá var ég nota handlyftarann einsog hlaupahjól, sem er ekki frásögufærandi nema fyrir það að ég klessti á bretti sem ég sá ekki. Datt ég því fram af lyftaranum við höggið og lenti með sköflunginn á tjakkhúsinu (eða hvað sem það heitir). Ég fekk þennan stærðarinnar marblett á sköflunginn, ég er ekkert að ljúga en hann var yfir allan fokking sköflunginn!!!
Núna á mánudaginn (28. júní) hætti ég síðan á lagernum og fer uppá deild, það verður tilbreyting.
Jæja, voða lítið að segja meira en reyni að láta ekki líða svona lang á milli blogga... lofa samt engu ;) posted by Unknown 23:06

 
Þá er Svavar farinn aftur

Svavar var svo frábær að kom og var hjá mér í frívikunni sinni (útskýrir eitthvað lítið bloggleysi, önnur ástæða er leti ;) ). Það er ekkert smá yndislegt að hafa hann hérna, mmmmmm. Við erum búin að vera dugleg þessa viku. Við erum búin að taka stofuna alveg í gegn og snúa henni við þrífa alveg hátt og lágt (á eftir að mála en það má alveg bíða). Svo fórum við í mat til Kristjáns frænda hans þar sem við fengum hreint út sagt æðislegan mat, ég verð bara svöng við tilhugsunina... og nei, Svavar ég er ekki alltaf svöng ;) Svo skelltum við okkur í gær á Deep purple, mikið rosalega var gaman marr... shæse þetta var alveg frábært. Ég hélt nú að þessir "gömlu" menn væru nú að brenna úr sér en það kom nú annað í ljós. Þeir voru ekki bara eiturhressir heldur var þeim lítið sem ekkert að hraka. Úff, pant vera í svona góðu formi á efri árunum ;)
Svavar fór síðan í morgun og það vottaði fyrir tárum í augum mínum þegar hann kvaddi mig. Ég beið í hálftíma eftir að hann kæmi til baka og segðist ekkert þurfa að fara til eyja... ég vissi reyndar að hann verður að fara að vinna og það er ekkert svo langur tími þar til hann kemur í bæinn aftur, en samt ég vildi helst bara vera eigingjörn og banna honum að fara. Æ, ég veit ég er nett klikk en engu að síður það er mín geðveiki rétt?!
Ég gerðist ekki svo fræg að baka fyrir hann einsog hann fyrir mig :S
\----> það verður bara bætt úr því næst... eða allavega lýg ég því að mér ;) posted by Unknown 22:37

laugardagur, júní 12, 2004

 
Eyjar

Ég fór í heimsókn til eyja um síðustu helgi og var það bara mjög fínt. Fór einmitt á föstudeginum með seinni ferjunni og það var bara beint af bátunum í heimsókn til vinafólks Svavar... ekkert smá hresst fólk marr ;) Rúntuðum smá áður en farið var heim og minningarnar frá þjóðhátíð 2001 gjörsamlega flugu um í höfðinu á mér... grasið þar sem við vorum í "picknick", Gummi teip og Doddi í apotekinu -með sópinn líka, við löbbuðum lengstu leið að spítalanum því við lásum vitlaust á merkið þegar við vorum að fara með Ellu útaf tognaða hálsinum eftir geisp... hehehe...
Á laugardeginum var maður síðan rifin uppá rasshárunum og farið á "vor í eyjum" sem er svona sýning einsog eru oft í laugardalshöllinni (og Perlunni ef ég man rétt). Ég sem vildi helst bara sofa allan dagin var frekar mygluð og ekkert ýkja sælleg að sjá :S En hafði gaman af engu að síður. Sérstaklega að sjá hvað Brynja yngri systir Svavars skemmti sér vel, við fórum einmitt með hana. Svo var "að sjálfsögðu" kíkt á leikinn hjá Einari... sem bæ ðe wei Ísland tapaði HAHAHA... ágætis svefn sem ég fekk þar ;) Um kvöldið var okkur síðan boðið í vinnugrill hjá Herjólfi og voru bornar fram hinar fínustu kræsingar. Það var geðveik stemming, ég var alveg komin í partýgírinn. Þaðan fórum við aftur til Einars áður en á Sjómannaballið var haldið... nema hvað ég var ekki alveg að gúddera skólaumræður þegar maður í djammhugleiðingum, óh well þar fór djammarinn minn í off mode :( Sem mér fannst frekar fúlt og var ekkert ýkja spennt orðin fyrir ballinu en við skelltum okkur samt. Þetta var hið þokkalegasta ball, fyrir utan það að ég held að allir haldi að ég sé alger félagsskítur og kunni ekki að djamma. Svo var ég ekki í neinum djammfötum svo mér leið hálfkjánalega innan um allt þetta uppstrílaða fólk :S
Það var spilað mikið af Stuðmannalögum og varð mér hugsað til hennar Evu og reyndi því að hringja í hana einsog mófó en hún var bara að blaðra í símann við einhvern annan en mig!!! SKAMM EVA!!!
Á sunnudeginum var síðan horft á friends og Simpsons og slappað af... mmmmmm. Í kvöldmat eldaði mamma hans Svavars ekkert smá gott læri... mmmmmm... skiljanlegt að Svavar sé aðeins farinn að bæta á sig ;)
Mánudagurinn fór í smá göngu og síðan leti þar til ég fór þá um kvöldið. Þetta var sem sagt mjög skemmtileg ferð.
Já, ég má nú ekki gleyma að þakka Svavari fyrir að hafa bakað handa mér vöfflur bæði á laugardeginum og sunnudeginum, takk fyrir mig *koss og knús* posted by Unknown 01:51