fimmtudagur, janúar 30, 2003

 
ZZZZZzzzzzzzzz

Ég veit ekki hvað ég á að gera við þetta blessaða svefnleysi mitt...
Anyway, ég hringdi í dag til að spyrjast fyrir um útskriftarmyndina, hvort ég gæti ekki sótt hana. Maðurinn sem ég talaði við var svo viðkunnarlegur. Hann sagðist vera á leiðinni út og þar sem ég væri ekkert svo langt frá þá bauðst hann til að skutla myndinni til mín, ohhh en sætt :) Myndin af mér er ekkert smá fyndin ég lít út einsog ég veit ekki hvað... HAHAHA.

SPEKI
Undir þennan lið verður að koma ein sú skemmtilegasta og sannsögulegasta setning sem ég hef heyrt. Þessa setningu á Gunnlaugur íslenskukennari við M.H. en hann tók svo skemmtilega til orða eftir að hann komst að því að það var enginn lesinn í tíma hjá honum og engin mundi neitt úr fyrri áfanga. Já, þetta var í byrjun haustannar.
"Það mætti halda að þið hefðuð öll ýtt á stóra deletetakkann í sumarfríinu" posted by Unknown 00:15

miðvikudagur, janúar 29, 2003

 
Gamlar myndir eða sígildar?

Ég er afar einkennileg og kann alveg ágætlega við það... amk. búin að sætta mig við það ;)
Ég var að horfa á myndina Singing in the rain með Gene Kelly, sem er snilldar mynd ég hreinlega elska þessa mynd. Ég með mína hasarmynda áráttu er líka með geðveikann veikleika fyrir dans- og söngvamyndum. Ég er að tala um myndir á borð við Singing in the rain, Seven brothers and seven sisters, New york, new york, The wizard of oz og fleiri frábærar myndir. Þetta eru þær myndir sem ég gæti horft á endalaust. Þær hafa jú allar sama themann eða svipaðann... strákur hittir stúlku, þau verða ástfangin og á endanum verða allir hamingjusamir til æviloka ;) (Galdrakarlinn í Oz er reyndar undantekning frá þessu). Þessi söguþráður í bland við söng og dans gerir hverja mynd sérstaka. Þetta er einsog að fara í leikhús og horfa á skemmtilega leiksýningu.
posted by Unknown 23:14

mánudagur, janúar 27, 2003

 
REGLA 2. Láta karlmenn bara í friði!!!

Það sem ég var búin að rita hér fyrir neðan á við þessa reglu. Ég og karlmenn eigum ekkert saman svo einfalt er það! Ef þeir reyna við mig þeir um það. En ég að reyna við þá, geta gleymt því! posted by Unknown 17:50

 
Þrjú orð: Three to tango!!!

OK, það er ekki nóg með að mér finnist myndin þrusugóð heldur er ég búin að upplifa mikið úr henni... kannski ástæðan fyrir því að mér finnist hún svona góð... hmmm, veit ekki???
"I´ve tried every kind of unavailable man. A gay guy would really round out my collection!"
Þetta er alveg dæmigert fyrir mig. Hvort sem þeir eru tilfinningalega "unavailable" eða bara fráteknir þá virðist ég einhvernvegin hrífast af því... kannski ekki beint hrífast af því, heldur verð ég alltaf hrifin af gaurum sem ég á engan séns í eða með :( Þoli þetta ekki *blót* *blót* *blót*... vona reyndar að ég sé eitthvað að breytast hvað þetta varðar... ehhehhhehhhe *hóst*
Ég get þó "glaðst" yfir því að þeir hafa undantekningalítið verið tilfinningalega "unavailable"... lucky me!!!
Ef við horfum á broslegu hliðina á þessu hélt ég einu sinni að einn gaurinn sem ég var hrifin af væri hommi... sagði honum það reyndar og hann var ekki ýkja hrifinn... he he he úpps sorry *puppy-eyes*... but funny anyway HEHEHE!
Þegar ég fer að pæla í því gæti það ekki virkað sem ágætis pikkup-lína? Ég meina karlmenn eru þannig gerðir að þeir þurfa að sanna að svo sé ekki... auðvitað með smá action!
Annars segið mér hvaða pikkup-línur ef einhverjar hafa virkað á ykkur? posted by Unknown 17:17

sunnudagur, janúar 26, 2003

 
Talandi um þreytu

Ég er óumdeilanlega þreytt. Ég vaknaði í morgun, ótrúlegt en satt, og var með þessa líka svakalegu bauga undir augunum og pokaaugnlok. Það var einsog ég væri með glóðurauga á báðum án allrar litadýrðarinnar. Ég verð að fara að sofa eitthvað!!! Ég sef jú en vakna þreytt, jafnvel þreyttari en ég var þegar ég fór að sofa.
Ég var að vinna í Deltunni í gær við það að bónleysa og bóna gólfin á göngunum. Það var ekkert smá puð, við erum að tala um það að skrúbba gólfið með skrúbb og fara síðan á fjórar og skrúbba það með svampi! Þetta tók okkur þrjár 7 og hálfan tíma, með klukkutíma í mat. Við kláruðum ekki alveg því við áttum fataskiptiklefana eftir en þeir verða bíða betri tíma.
posted by Unknown 20:02

föstudagur, janúar 24, 2003

 
Hvernig Gengur Þetta Upp?

Það Gerir Það Hreinlega Ekki! posted by Unknown 23:40

 
Hvað er með þessa tísku?

Mér finnst svolítið fyndið þegar ungir strákar, um 25 til eða frá 5 ár, eru í gallabuxum og nota axlabönd. Það einhvernvegin á ekki saman að mér finnst. Axlabönd + skyrta + afabuxur = hillbilly eða afi. Það er svona ideal axlabanda-outfittið. Kannski er ég bara þröngsýn en mér finnst að það eigi að vera belti með gallabuxum. Því var ég að velta því fyrir mér hvort að axlabönd væru komin í tísku aftur. Ég fylgist ekkert með þessari tísku. posted by Unknown 23:36

 
Jamm jamm

Hmmm... mér var bent á það að ég væri komin með fyndna kæki... ég endurtek, hmmm! Ég er nefnilega farin að bíta í neðri vörina á mér... eða einhvernveginn setja neðri vörina inn fyrir framtennur mínar?!?!!?! Ekki nóg með þann kæk þá er ég líka farin að blikka allt og alla, í tíma og ótíma ;o) Sjáiði þetta ekki fyrir ykkur ég að éta á mér neðri vörina og blikka fólk í sífellu. Can I get more stanger than that? Jú, jú ég redda því einhvernvegin ;) posted by Unknown 23:25

miðvikudagur, janúar 22, 2003

 
Það er ýmislegt búið til í Deltunni

Í gær var afar áhugaverður dagur þar sem ég kynntist nýrri framleiðslu hjá Deltunni. Það var verið að búa til "Exploration krem", einsog nafnið gefur til kynna er þetta notað til að kanna ófarnar... eða kannski farnar slóðir. Just don´t drop the soap! Já, hugarflugið mitt varð gjörsamlega geðveikt og ég var ekki viss um að ég gæti setið við það að fylla á túpur án þess að koma með einhver komment á það. Það reyndist rétt! Þar sem við vorum þrjú "litlu börnin" í þessu þá vissi ég að smá húmor skaðaði ekki neitt né neinn ;) En átti ég von á þeim umræðum sem spruttu upp... neee... jú og líkaði vel, hehehe. Það er ekkert smá fyndið þegar einhver kemur með fleiri og verri komment en ég ;)

Þegar nýbúið var að blanda kremið leit það út einsog milljón manns hafi brundað í pott!
Deildarstjórinn fræddi okkur, með erfiðismunum, um það að þetta væri líka kallað "hommakrem".
Eftir einhvern tíma leit blessað kremið út einsog hráka... eftir enn lengri tíma var það farið að líta út einsog lím.
posted by Unknown 17:50

sunnudagur, janúar 19, 2003

 
Ég er hreinræktaður snillingur

Snillingurinn hún ég ætlaði sér að vera svo góð og baka í dag. Ekkert vandamál þar. Ég ákvað að baka vöfflur því það er uppáhaldið hans pabba. Ég byrjaði nú á því að fara út í búð og kaupa mjólk, hveiti, egg og sykur. Einfalt. Uppgötvaði svo að við eigum ekki vöfflujárn lengur :( Arg... ég leysti það vandamál með því að fara og kaupa einsog eitt stykki svoleiðis. Nó probs. Svo var það að byrja að baka... búin að gera deigið og vöfflujárnið heitt og fínt. Byrja að gera fyrstu vöfflurnar, gengur ekkert alltof vel en held ótrauð áfram. Hækkaði hitastigið á vöfflujárninu í hæsta, því þær voru svolítið ljósar... eiginlega alveg hráar :( Jæja, þegar ég var búin að gera 5 vöfflur á klukkutíma og allar voru þær vel ljósar þrátt fyrir að járndraslið var á hæstu stillingu... þá var þolinmæði mín á enda. Ég afskrifaði þá *BLÓT* vöfflujárnið og hætti. Sagði pabba síðan þegar hann kom heim að hann fengi bara súkkulaðikleinur (sem ég hafði svo heppilega keypt á sama tíma og hráefnið í vöfflurnar) með kaffinu þar sem vöfflubaksturinn hafði ekki alveg farið einsog ég hafði ætlað ;) Pabbi hló bara og þakkaði fyrir. posted by Unknown 21:23

laugardagur, janúar 18, 2003

 
Hefur einhver lent í þessu?

Það hafa allir lent í þessu, amk. stelpur... uhh, kvenmenn eða bara allir þeir sem hafa kysst karlkynsverur. Vera að kyssa einhvern og fá þessa líka rosalegu tungu beint ofaní kok og svo er maður hægt og þétt étin lifandi!!! Þetta er eitt af því versta sem ég get hugsað mér. Sem betur fer hef ég nú bara lent í þessu einu sinni en vá minningin er enn til staðar... úfff. Veit ekki af hverju ég fór allt í einu að hugsa um þetta. Er búin að gleyma pointinu svo ég ætla bara að segja að ef þér líkar við einhvern eða einhverja ekki bjóða uppá innan-háls-hreinsun!!! En ef þú vilt vera mean, þá endilega... gó ahead ;) posted by Unknown 16:38

 
Þetta verður ekki betra

Jæja, ég fór að spila í gær og bjóst við að það yrði búið um svona hálf ellefu-ellefu. Svo var planað að fara niðrí bæ og mála hann rauðann... en það gerðist ekki! Eva hafði skiljanlega farið í partý, því ekki nennti hún að sitja ein heima hjá sér ein og drekka. Spilamennskunni lauk um 22. Hálftíma seinna var ég tilbúin, búin að opna mér eina Wild brew og hringdi í Evu. Eva sagðist ætla að tala við strákana sem við ætluðum að djamma með þegar þeir kæmu aftur, þeir höfðu farið einhvert??! Allt í lagi ég sat bara EIN heima hjá mér og drakk og beið eftir að Eva hringdi. Ég var að hjálpa mömmu við að klára eitt hvert leiðinlegasta púsl sem við höfum nokkurntíman kynnst. Við erum að tala um það að ég hef gaman að því að púsla, já ég gat verið sorglegri eftir allt saman ;). Eftir klukkutíma var ég orðin frekar þreytt og farin að dotta, enda búin að vera að síðan 7 um morguninn. Síðan vakna ég upp við það að síminn hringir ég svara og lít á klukkuna. Það var liðinn amk. einn og hálfur tími síðan ég hafði hringt í Evu. Hún hringdi og sagði mér að koma niðrí bæ. Hún sagðist vera á leiðinni. ég sagði henni að ég væri alls ekki í neinu stuði lengur til að djamma. Hún bað mig samt um að koma niðrí bæ en ég var bara orðin geðveikt þreytt og ógeðslega pirruð útí hana fyrir að hafa gleymt mér! Svo ákvað ég að horfa á TV-ið þar sem ég hafði nú sofna í stofunni og steinsofnaði aftur. Um klukkan þrjú hringdi Eva aftur og sagði mér að ég ætti að koma að djamma það væri geðveikt stuð og þau væru búin að plana svolítið þegar ég kæmi... uhhh, þá leist mér ekkert á þetta og sagði bara einsog var að ég væri pirruð útí hana og drullu þreytt og fór síðan að sofa.
Þetta gerist bara þegar ég er búin að ákveða að djamma :( posted by Unknown 15:08

fimmtudagur, janúar 16, 2003

 
Gat verið :)

Ætla á djammið með Evu Ösp á föstudaginn... soldið fátæk núna, but hey það reddast... og Eva ef mér dettur í hug að hözzla þá er þetta viðvörun I will... maybe... örrrrrugglega ekki... arg...
Anyway, það á eftir að verða gaman... er ekki að búast við ofurskemmtilegu kvöldi því þá á ég eftir að verða fyrir vonbrigðum. En Eva it´s gonig to b fun right... RIGHT ;) Vona að ég hitti eitthvað skemmtilegt fólk á djamminu sem ég þekki ;) posted by Unknown 18:21

 
Einkennileg árátta

Könnun ein fekk mig að hugsa hvort ég gæti stundað skyndikynni? Gæti ég einn daginn vaknað upp heima hjá einhverjum bláókunnungum eða með einhvern bláókunnugann heima hjá mér? Til hugsunin er ekki neitt æðisleg... uhruhhhhrhrhhrhhh, það fer hrollum um mig. Ok, kynlíf er gott og skemmtilegt en það er ekki þar með að maður vilji sofa hjá hverjum sem er... amk. ekki ég! Það vantar eitthvað ef engin tilfinning er með... ég hef átt bólfélaga, sem var mjög skemmtilegt og hann var helvíti laginn ;) en mér fannst samt alltaf eitthvað vanta svo ég nennti því ekki lengur. Þá fannst mér betra að vera með einhverjum sem var ekki eins laginn en maður hafði tilfinningar til. Mmmmm... það eitt að kúra með einhverjum sem maður er hrifinn af er langtum betra en fullnæging með einhverjum sem er bara leikfang.
Svo er það líka hættan á því að sofa hjá einhverjum sem maður þekkir ekki né treystir að maður getur fengið fullt af kynsjúkdómum og svo gæti það verið raðmorðingi! kannski ekki raðmorðingi en samt hver veit hvaða mann manneskjan hefur að geyma ef maður þekkir hana ekki shjæt!? Ég er kannski svolítið paranoid, but... Æm skeowd.
Engu að síður hefur mig dreymt um að sofa hjá rosalega mörgum... 5-6 gaurar... ahhh, nice... ekki í einu samt... kannski bara tvo... neee annars... ok, ekki að pæla í þeim núna... ekki þar með sagt að ég hoppi upp í rúm með þeim ;) Ef mér gæfist kostur á því JÚ ég myndi sennilega gera það... segi þetta reyndar einungis vegna þess að ég veit að sá kostur er ekki og verður aldrei fyrir hendi ;)

Hér á undan er einungis um hugsanir mínar að ræða. Engin mannorð voru sködduð... nema kannski mitt... neee annars u all think I´m crazy anyway ;)... sem minnir mig á Britney Spears... við skulum nú ekki byrja á þeirri umræðu... posted by Unknown 17:29

miðvikudagur, janúar 15, 2003

 
Halló halló

Var að taka til í geymslunni hjá okkur. Það er ekkert smáræði af rusli sem maður sankar að sér! Geymslan var svo troðin að ég átti í erfiðleikum með að komast inn í hana. Núna lítur hún mun betur út en ég þarf að henda mun meiru! Hún var næstum tæmd fyrir ári því þá var ekki hægt að koma þar inn saumnál til viðbótar... he he... Þetta kemur ekki fyrir í ár... vona ég ;)
Næst á dagskrá er alþrif... svona eftir jóla-alþrif. Byrja á því á morgun, spila á föstudag og klára þau á laugardaginn... Vona að ég komi einhverntíman til með að fylgja þessum blessuðu áætlunum mínum *dæs*

Bankadjöflar

Var að fá einhverja helv... *BLÓT* *BLÓT* *BLÓT* kröfu um eitthvað kjaftæði sem á sér engann grundvöll!!!! Hata þetta helv... drasl þegar er verið að gera svona gloríur!!!!!! Við erum bara mannleg my ass bankarnir EIGA að hafa allt á hreinu!!! Djö... þoli ekki svona!!! Ég er ekki pirruð ég er REIÐ!!! Það er ekki í lagi með fólk!
Jæja, redda þessu að venju.

Ég er alveg hætt að geta verið pirruð eða reið nema í 2-3 mín. Ég sem gat verið bitch-dauðans í marga daga... GOTT eða SLÆMT??? posted by Unknown 18:34

þriðjudagur, janúar 14, 2003

 
OK... what ever ;)


What's YOUR sexual fetish?
brought to you by Quizilla posted by Unknown 22:37

 
Talandi um búninga


Þarf nokkuð að segja meira? posted by Unknown 00:08

sunnudagur, janúar 12, 2003

 
Prufa 1-2-3

:o)

Hann er ekkert smá sætur þessi... það er ef hann sést! Minnir mig svolítið á mig ;)



Þetta er ég!!! posted by Unknown 14:06

laugardagur, janúar 11, 2003

 
AAAAAAAARRRRRRRRGGGGGGGG

Ég þoli ekki að vita ekki hvað ég er að gera og sérstaklega ekki þegar það heppnast ekki ARG!!!
Ég er ennnnnn að reyna að koma þessari mynd inn... kemur reyndar kassi neðst á síðuna en það er seinni tíma vandamál. Jafnvel með hjálp gengur þetta hægt, bara ekki neitt :( #%&#°%*# *blót*
Það er stundum erfitt að vera ljóska *grát* posted by Unknown 23:04

 
*sniff* *sniff*

Bíddu bíddu þetta er ekki alveg að meika sense!!! Ég er farin að sakna þess að vera ekki í skóla :( Mig langar að fara í háskólann kynnast nýju fólki og læra :( Þetta skólaleysi er alveg að fara með mig... fara bara á námslán, redda þau ekki öllu annars. Var reyndar búin að lofa sjálfri mér því að fara ekki á þessi bévítans námslán! En þetta er orðið verra en kallaleysið !!!!!! Mér er sossum skítsama þó þessi "hálfvitar" hafa engan áhuga á mér !!!!! Ekki alveg sama um það að vera ekki að mennta mig! Ég vil fara í skóla! ARG...

Hvað á ég að verða þegar ég verð stór??? Líffræðingur eða meinatæknir? Ætla að finna lausnina við krabbameini! Svo fyrir konu sem er að vinna með mér og aðrar ætla ég að búa til "barbie"-pillu... "þarft einungis að taka eina og slhúbb... ert komin með hlutföll barbiedúkkunnar...". Mér var reyndar bent á það að það gæti verið svolítið erfitt að standa á löppunum ;) Svo ég er að hugsa um að útfæra pilluna þannig að hægt verði nú að líta út einsog barbie án þess að lenda í hjólastól ;) Svo er ekki voða vinsælt að vera úr plasti en það gerist ekki með minni pillu :)

Annars er ég ekki að fatta hvaða áráttu fólk hefur fyrir "anorexíu" og "silikoni"?! Jaa, ég meina það er ekkert flott að vera svona ógeðslega grannur með huge brjóst! Það eru gífurlega margar ungar stúlkur sem eru með svo mikla þráhyggju varðandi líkama sinn að þær éta ekkert og fara í lýtaaðgerðir einsog að skipta um föt!!! Ég er mjög á móti lýtaaðgerðum. Þær eiga rétt á sér í einstaka tilfellum en það er svo verið að nauðga þessu að það er ekki fyndið!
Brjóstastækkanir, rassaminnkanir eða rassalyftingar, silikon í varir og fitusog... oj, vitiði hvernig fitusog fer fram? Það er viðbjóður og það byrjar að ólga í maganum á mér þegar ég hugsa um það. Það er skorið lítið gat þar sem það á að fara fram og einskonar ryksugu (stútnum) komið fyrir og svo er sullað í þessu hægri vinstri þar til tilætluðum árangri er náð. Sullið fer í einhver hólk eða poka. OOOOOJJJJJ!!!!
Discovery channel er sko að gera það gott hjá mér ;) Horfði líka einu sinni á hjartaaðgerð, það var geðveikt flott! Svo á keisaraskurð. Það var pínu óhugnarlegt en ekkert smá æðislegt að sjá lítið rautt krumpað kríli koma og ánægjuna sem var á móðurinni þegar hún sá rauðu rúsínuna sína, ohhhhh ;)

Ok, ég hugsa í hring ;) posted by Unknown 18:25

 
Núna er þetta komið

Var að selja gamla bílinn minn, þannig að nú á ég einn FLOTTANN bíl ;)
Ég er að fara að rúnta núna JEY, ætla sína Stefí systir bílinn... Ég er svo að springa úr stolti og hamingju að það er ekki fyndið. posted by Unknown 14:48

föstudagur, janúar 10, 2003

 
Nú er ég stoltur eigandi nýs bíls

Ég á nýjan bíl :o) Dökkblá Toyota Corolla xli, með 10 geisladiska magasíni og hann er 5 dyra... I´m so proud ;)
Nú er það bara að selja hina rolluna mína fyrir slikk. Ég er svo happy! Þetta er afbragðs byrjun á nýju ári ;) posted by Unknown 18:33

fimmtudagur, janúar 09, 2003

 
Bridge

Það er eitt spil sem var frekar erfitt að ná hálf-slemm á en við pabbi hefðum náð henni ef ég hefði látið fyrstu hugsun ráða... þ.e. ef hann hefði skilið meldinguna rétt ;) Hér kemur það:
Þú ert í suður og vestur er gjafari. Þú ert með:
sp: Kx
hj: 10
tí: Jxx
lau: AK10xxxx
Sagnir ganga:
V - N - A - S
Pass - 1tígull - Pass - 2lauf
Pass - 2sp - Pass - 3lauf
Pass - 3hj* - Pass - ?

*spurning um fyrirstöðu í hjarta og melda þá 3NT ef svo er.

Hvað á að segja núna ekki er rétt að segja 3NT því ekki er þessi tía í hjarta neitt stop. Hvað þá? Og af hverju?
Mín fyrsta hugsun var að segja 4hj sem hefðu þýtt einspil í hjarta eða ekkert hjarta. En svo fór ég að hugsa útí það hvort pabbi myndi skilja það þannig eða ekki svo ég tók þá ákvörðun að styðja spaðan með K annann. Hann átti að melda 5 lauf en meldaði einungis 4 :( Þar enduðum við og ég vann 6, 170 kall! Hann á í stöðunni að melda 5 lauf sem hefði verið 420 kall. En svo ræddum við þetta og ef ég hefði meldað 4hj hefði hann sagt beint 6lauf :( sem hefði gert 920 kall. Svona er þetta ;) Hendurnar voru:
norður: Sp - AJxx Hj - xx Tí - AKxx Lau - QJx
vestur: Sp - Qxxx Hj - QJxxx Tí - Qx Lau - xx
austur: Sp - 10xx Hj - AKxxx Tí - 10xxx Lau - x posted by Unknown 18:19

 
FRÍ

Ég er í FRÍIIIIIII í kvöld, JEYYY!!!! Hvað á ég að gera? Nú get ég farið að lesa eitthvað af þeim bókum sem ég fékk í jólagjöf. Á ég að byrja á LOTRinu eða Artemis Fowl? Síðan er það Eyðimerkurblómið. Er líka búin að ákveða að lesa bókina Spegilmynd aftur... spennuþrungin ástarsaga, aaahhhhhhh :)

Nýr bíll

Ég er að fara að kaupa mér nýjan notaðan bíl, helst aðra rollu. Á morgun fer að skoða einn bíl af þeim sem komu til greina. Nýýýýr bíllll!!! Ég meina til hvers að eiga svo mikið af péning að maður veit ekki hvað maður á að gjéra við hann, sem ég á næstum því ;) posted by Unknown 17:40

miðvikudagur, janúar 08, 2003

 
Ef þetta var ljótt fyrir...

Var svona aðeins að prófa að fikta í þessu og hafði uppúr krafsinu stórt spjallkerfi... heheheeeeee uuuhhhhmmm jámm!
Hafiði þið einhverja hugmyndir um það hvað ég eigi að skrifa hérna? Eitthvað sérstakt? Ég get sossum bullað endalaust og mun reyndar gera ;)
Ég linkaði nokkuð fróðlega síðu inn, kyn.is. Margt sniðugt þar sem vert er að skoða. posted by Unknown 23:57

 
Bið endalaus bið

Þetta er búið að vera fínn dagur, kom mér í vinnuna fór svo úr vinnunni í vinnuna. Síðan er ég hér nú að blogga. Jey!
Svona verður þetta á morgun líka. Það er samt ekki eins gaman að vinna í KFC Faxafeninu einsog í Bæjarlindinni. Því fólkið mitt er kópavoginum en aftur á móti kemur fleira fólk sem ég þekki í rkv-ina. Einsog búið er að segja mér milljón sinnum og BARA fimm sinnum á síðustu þrem dögum þá getur maður ekki fengið allt það sem maður vill. Hvað er annars með það að fólk þurfi að segja mér það að maður fær ekki allt sem maður vill??? Stendur á enninu á mér "ég vil allt sem ég get ekki fengið!"? Hmmmmm...
Er ég svona mikil frekja að þetta er eina svarið sem fólk á fyrir mig? Ég frekja... HAHAHA... Ok, brandarinn búinn.
Já, svo að fyrirsögnin sé nú ekki alveg útúr kú... útúr kú HAHAHA... OK, nú er ég komin með svefngalsa!.. þá var meirihluta dagsins varið í bið eftir hinu og þessu. Síðan máttum við stara að vild útí loftið á Kentucky því það var ekkert að gera. posted by Unknown 23:17

þriðjudagur, janúar 07, 2003

 
Útskriftarmynd

Jaaa, eða ekki ég kann ekkert að setja mynd hérna inn how simple as it may be... :(
Ég sem ætlaði mér að vera rosa dugleg. Held áfram að reyna ;) posted by Unknown 19:33

 
Vinnan

Það er nú með þessa blessuðu vinnu sem ég er í að hún er stórhættuleg milli þess sem maður gerir ekki rassgat! Það er nú þannig að í gær vorum við að vigta ammoníak og lyktin, OJJJJJ!!!! Svo sveið mig í augun og ef ég andaði að mér brann það niðrí rassgat! Fyrir utan það að þetta er stórvarasamt efni. Etherinn var með aðeins betri lykt en ekki góða. Svo að sulla þessu saman við meira úff, ég held ég þurfi nú ekki að segja meira. Aðeins 980 kg af óþverra!!!!
Annars var þetta rólegur dagur í dag, hélt reyndar að vinnan væri búin þegar við áttum að fara í hádegismat. Heheeee. posted by Unknown 19:03

 
Of mikil samkeppni

Þó svo Chandler greyið virðist vera rosaleg ógn þá ætla ég að leyfa honum að vera enn í tvíriti á síðunni og ef ég set bara ekki aðra mynd af honum hérna inn ;) Neee, ætli það en svona til að minnka þessa ógn verð ég nú að segja það að "vondur" sem er alls ekkert vondur er ekki síðri dúlla en Chandler. Enda var ég hrifin af honum í eitt og hálft ár eða meir... ekkert slor þessir drengir sem ég hef verið hrifin af ;) posted by Unknown 18:42

mánudagur, janúar 06, 2003

 
Jæja, ef ég dey þá er það bara í lagi...

Tölvan komin í lag, hún læknaði sig sjálf ;)
Mér leiddist svo í gær ég var að deyja sem endaði með því að ég fór í heimsókn til Evu Aspar sem var stuð... slúður, bull og spánarsöknuður.
Ég held að ég sé að leggjast í þunglyndiskast eða eitthvað... hausinn á mér er svo tómur og ég sem get bullað endalaust, ask anybody!!!! posted by Unknown 23:29

 
Ljóta tölva :(

Ég sit núna í vinnunni og er að láta mér leiðast. Stefán mætti ekki í vinnuna og það var einhver vinnustaðagreiningarfundur sem ég hraut á, hehehe úpps!
Annars er tölvan mín í einhverju flippi og ég kemst ekki inn á blogger né neina blogspot síðu :( Þannig að ég hef ekkert getað skrifað. ARG!!!! Annars var ég að keppa á laugardaginn það gekk alveg afburðar illa, en gaman engu að síður og spilin voru einungis skiptingarspil. Ég ætla að skrifa inn nokkur spil þegar tölvudraslið kemst í lag ;) Það er svo einkennilegt við vinnu að maður þarf að vera að vinna! Sem ég er farin að gera núna... posted by Unknown 12:57

föstudagur, janúar 03, 2003

 
Karlmenn

Ég hef verið spurð að því hverju ég leita í fari karlmanns/a og hvað mér finnst sexý við þá. Hmmmm, ekki ýkja erfiðar spurningar eða hvað? Ég náttla er alger sökker fyrir flottum augum! Af hverju augum? Uhhh, sennilega vegna þess að eitt sinn var mér sagt að þau væru lykillinn að sál okkar. Hvort það sé satt eða ekki það veit ég ekki en hugfangin var ég svo að þessari skýringu að ég gæti aldrei verið með manni sem mér finndist hafa ljót augu. Silly me ;o) Mér finnst samt útlit ekki skipta öllu máli heldur hvaða persónuleika gaurinn hefur að bjóða. Kímnigáfa, big must ;)
Hvað er sexý við karlmenn?... Þetta er svolítið afstæð spurning því yfirleitt þegar er verið að spyrja svona spurningar er verið að leita eftir svari sem endurspeglar hvernig karlmenn maður aðhyllist. Ég get svarað þessu ísí písí en það er svo skrýtið að ég hef aldrei verið hrifin af gaur sem passar við þessa "sexý" ímynd mína þó mér finnist þeir allir flottir? Weard, ain´t it?
Þar með var spurningunni svarað með útúrsnúningi. posted by Unknown 23:47

fimmtudagur, janúar 02, 2003

 
Það gerist margt spennandi á KFC

Ég var að afgreiða að venju og allt í einu sá ég dreng sem ég kannaðist rosalega við... *pling* þar kveikti ég á perunni þetta var Júlli, af öllum gaurum var þetta JÚLLI!!! Hann kom og heilsaði mér voða næs. Ég hef ekki hitt hann í hvað 2 eða 3 ár. Ekki nóg með það þá kom u.þ.b. klukkustund síðar hann Guðmundur Guðlaugsson, bróðir minn sem ég hitti ekki einu sinni 1x á ári. Ég afgreiddi hann og hann spurði mig frétta og ég svaraði bara allt fínt... ég spurði hið sama en fékk ekkert svar, þá sagði ég honum að ég hafi nú verið að útskrifast. Hann óskaði mér þá til hamingju. Fátt varð meira úr þeim samskiptum. Einnig hitti ég bridgespilara sem heilsaði mér og spurði hvort ég væri að fara að spila núna um helgina í Borgarnesmótinu ég svaraði því játandi. Ég spurði hann hverjir væru með honum í sveit og hann sagði mér það. Svo var það stutt bridgespjall og síðan var vinnunni haldið áfram. Þetta var mjög viðburðarríkt kvöld.

Það einkennilegt að ég skuli nú ekki vera þreyttari en þetta því ég byrjaði að vinna klukkan 8 en ég er samt ekki eins viss um að verða jafn vakandi á morgun. Jú, jú, Stefán finnur eitthvað fyndið að tala um til að halda mér vakandi. Æ, Stefán sýndi mér jólamyndina sem hann og kærastan hans tóku af syni þeirra. Þau höfðu klætt hann í jólasveinabúning og drengurinn sem er rétt farinn að taka fyrstu skrefin stóð þarna svo stoltur af sér og brosti svo grillti í tvær tennur uppi og tvær niðri. Þau eiga svo krúttlegt barn *mússí-mússí* posted by Unknown 23:49

 
REGLA 1. Ekki setjast full fyrir framan tölvuna... og ALLS EKKI tengjast netinu

Ég man eftir því að hafa komið heim örlítið ölvuð og sest fyrir framan tölvuna staðráðin í því að gera einhvern skandal. Byrjaði að sjálfsögðu að reyna að fara inn á bloggið mitt sem tókst ekki. Ég er því nú fegin vegna þess að ég hefði farið að skrifa einhverja steypu sem ég veit að ég myndi sjá eftir einmitt þessa stundina *hjúkk* Eftir árangurslausa tilraun til að fara á blobbið datt mér í hug að fara skrifa bull í shout outið hjá fólki. En eftir að hafa skrifað eitt (sorrý ekki vera vondur) sá ég að þetta var ekkert gaman. Það skemmtilegasta við svona hrekki er að sjá svipinn á fólki og engin svipbrigði voru sjáanleg ekkert nema flatur kaldur skjárinn. Svona er að lifa á tölvuöld. Þannig að ég sá að það er ekkert gaman að "ríða þessi íslendingur" í gengnum tölvuna. Ég hætti þá bara tölvuveseninu... eftir að hafa hlegið og hlegið að comentinu hans "vonds" að vonandi myndi ósk "mín" um að eignast kall til að stunda jógúrtkynlíf með 3x á dag rætast á þessu ári ;o) Þannig að nú er ég búin að ákveða að ég ætla mér að koma reglu á mig... eða öllu heldur reglum á mig :op

REGLA 1. Ekki setjast full fyrir framan tölvuna... og ALLS EKKI tengjast netinu.
--> Ekki nema ég sé alveg viss um það að mér standi alveg á sama um morgundaginn. posted by Unknown 00:35