fimmtudagur, maí 29, 2003

 
Allt í gúddíi

Það er búið að vera allt á þönum hjá mér núna. Stefni á að hreinsa gjörsamlega út núna um helgina og mála síðan íbúðina næstu helgi. Bara skúra, skrúbba, bóna og mála þakka ykkur fyrir ;)
Er að hugsa um að kíkja á Íví Aspen í júlí og þá verður kíkt í búðir sem gaman er af, if you know what I mean ;) Einnig verður djammað og djúsað og svo verður sólin sleikt í þynkunni. Palladium here I come :) posted by Unknown 21:59

miðvikudagur, maí 28, 2003

 
Netdrasl

Netkerfið heima er gjörsamlega að floppa! posted by Unknown 19:30

föstudagur, maí 23, 2003

 
Eurovision

Það er kominn geðveikur júróvisíon fílíngur í mig. Það er búið að bjóða mér í tvö partý... hmmm og mig langar í bæði... krap... hvar verða sætu strákarnir? Sem eru ekki lofaðir!
Annars var ég að lesa inná eurovision.is mestu snilld ever... Logi og Gísli Marteinn eru snillingar og bloggið þeirra frá Riga er stútfullt af bulli og skemmtilegheitum. Nú er ég alveg veik í að fara út og vera að djamma og rugla með þessu liði. Gæti gert einsog klikkaði austurríkismaðurinn og verið á móti öllu bara til að vera á móti öllu. Einnig gengið í sömu fötunum dag eftir dag og gert eitthvað klikkaði einsog að ganga á eggjum og fara í hæsnabúning... sem austurríkisgaurinn gerði ekki heldur einhver annar. Com´n gerir mar ekki allt fyrir athyglina? hehehe já og PÓSA... Charlie´s Angles... blue steal :o*

Hvað eru allir ekki annars í júrófíling? posted by Unknown 23:29

sunnudagur, maí 18, 2003

 
Ekkert fréttnæmt

Ég passaði frábæru börnin hennar Stefí systir... eru annars ekki öll börn frábær þegar þau sofa ;) Lille man var reyndar vakandi þegar skötuhjún fóru í bíóið en hann var ekki lengi að sofna í fanginu á mér. Ohhh, hvað mig langar í barn. Mússí-mússí. Annars get ég alveg beðið í svona 5 ár... sérstaklega þegar Stefí er svona iðin við kolan hehehe ;o) posted by Unknown 19:10

laugardagur, maí 17, 2003

 
Meira bíó

Fyrst ég er byrjuð að tala um bíó fór ég um daginn með honum Jóni að sjá X-men 2. Það var fín mynd með flottum bardagaatriðum þá helst þegar gellan með löngu neglurnar var að berjast við Wolverine. Vá, væri maður til í að vera með svona neglur... amk. engin hætta á að maður bíti þær :) X-men 2 fær 3 af 5 stjörnum fyrir afbragðs skemmtanagildi. posted by Unknown 18:25

 
Matrix og aftur matrix

Jú, jú, haldiði ekki að ég hafi nú ekki skellt mér á einsog eitt stykki tvöfalda sýningu af The Matrix! Það var gáfulegasta hugmynd sem ég hef fengið lengi... eða þannig! Hún Anna litla er nefnilega orðin svo góð og hlýðin að hún er farin að sofa löngu fyrir miðnætti öll kvöld... ætli jólsveinninn gefi mér ekki eitthvað gott í skóinn í ár fyrir að vera svona þæg? En sýningin byrjaði einmitt á miðnætti, hentugt! Ég mæli ekki með því að sofa í sætunum í stóra salnum í Háskólabíó! Ég horfði á allt actionið í fyrri myndinni en svaf restina af henni fannst það skárra en að sofna yfir seinni myndinni. En ekki tókst mér að halda mér vakandi alla seinni myndina. Meiri hlutann, næstum alla samt. Seinni myndin er talsvert frábrugðin fyrri myndinni en hún er bara þokklega góð... er samt að hugsa um að fara á hana aftur ekki jafnþreytt og sjá hana alla ;o)
Það er þó bónus að Helga systir var mjög ánægð að ég skyldi fara með sér þrátt fyrir stöku hrotur hér og þar.
Með betri framhaldsmyndum sem ég hef séð en þetta var fremur erfitt verkefni fyrir framleiðendurnar því fyrri myndin sló svo gífurlega í gegn enda þrusu mynd og ekkert útá hana að setja. Seinni myndin fær því 3 1/2 stjörnu af 5 mögulegum, sem gæti breyst eftir að ég sé hana alla :) posted by Unknown 18:08

fimmtudagur, maí 15, 2003

 
A la Haffi

Haffi: Búin að fá einhverjar hálfslemmur í fimmkvisti eða kannski láglitan Stayman fjöldjöful það sem af er sumri?

Ég veit ekki hvaða sagnvenja fimmkvistur er né hvort það sé til í bridge. Svo langaði mig að benda þér á að það er láglita Stayman og það hefur ekkert með fjöldjöful að gera nema í mjög sérstökum útfærslum. Ég er aftur á móti aðhylltari multy sögninni og nota hana í staðin fyrir fjöldjöful.
Það sem af er sumri hef ég lítið spilað en það breitist allt þegar sumarbridgeinn byrjar eða 17.maí að mig minnir. posted by Unknown 01:10

þriðjudagur, maí 13, 2003

 
Neibb fór ekki í sund posted by Unknown 20:37

 
Upp og ofan

Einhvernveginn fer ég alltaf að gera allt annað en ég ætlaði mér að gera í upphafi. Á sunnudaginn vaknaði ég og fór að þvo og ætlaði mér að klára allann þvottinn. Fór upp að glápa á sjónvarpið og það var ekkert sérstakt í því en ég hélt samt áfram að glápa "bara á meðan þvottavélin er að klárast". Ég rankaði við mér þegar klukkan var orðin tíu, þá búin að horfa á ekkert í tæpa 15 tíma. Í gær fór ég útí garð og stefndi á að slá grasið og vera rosa dugleg. En nei nei endaði ég ekki bara með að þurrka af einum stól og setjast á hann og vakna klukkutíma seinna við það að stikna úr hita! Ég er reyndar komin með smá lit fyrir vikið en var svo hvít fyrir að það sést varla. Svo í dag ætlaði ég að kíkja aðeins í heimsókn til Stefí systir eftir vinnu fara síðan heim að elda og gera allt hreint... kom heim um klukkan ellefu! Þetta er ekki eðlilegt!
Stefni á að fara í sund á morgun eftir vinnu, ætli mér takist það?
posted by Unknown 01:40

 
Dagbækur

Hér með lýsi ég því yfir að dagbækur eru snilld. Ég var einn af þeim unglingum sem hugsuðu svo mikið um lífið og tilveruna að hausinn á mér var að springa. Við erum að tala um að pælingar mínar voru ekki af eðlilegum toga... ekkert frekar en þær eru í dag! Fékk ég þá góðu hugmynd í sjötta bekk (að mig minnir) að halda dagbók og urðu þær nokkrar eftir það. Núna fyrir stuttu þá fann ég einmitt umræddar dagbækur og hóf lestur. Það var ekkert smá skemmtileg lesning. Hvað mér fannst heimurinn undarlegur og var hrifning mín af hinum furðulegustu drengjum mjög skondin, finnst mér núna en þetta var alveg háalvarlegt mál þá ;o) Mér finnst vera frekar langt síðan að ég skrifaði síðast í dagbók, fyrir utan stöku færslur þegar ég þarf að gera upp hugsanir mínar, en það kom mér á óvart að ég skrifaði fram til 2001. Úff, hvað ég er með lélegt minni eða orðin svona hrikalega gömul. Nú hef ég hugsað mér að setja hér inn eitthvað af mínum dagbókarfærslum og leyfa öðrum að njóta þess að hlæja yfir kjánaskap ungrar stúlku.

P.s. Ég er ekkert frá því að Benni og Héðinn séu með eitthvað samsæri gegn mér og það yrði þá ekkert í fyrsta skiptið... ehhh... ég... sko... nei ekkert... bara bull he, he... ég sagði þetta ekki upphátt var það? *roðn* posted by Unknown 01:38

þriðjudagur, maí 06, 2003

 
Horny little devil

Mig langaði bara svona til að skjóta því inn að mér finnst kynlífsumræðurnar mínar hafa minnkað hér á síðunni. Það er ekki þar fyrir að ég hafi vaxið uppúr kynlífi ó nei alls ekki heldur bara versnað ef eitthvað er. Og já það er hægt. Hefur það nokkurntímann hent einhvern, annan en mig, að geta ekki deplað augunum nema að sjá fyrir sér þessar og hinar stellingar og kynlífsathafnir? Og þá helst með einhverjum sem maður þekkir? En Keanu Reeves stendur samt fyrir sínu ;) Ég er samt ekki haldin einhverri kynlífsþráhyggju eða neitt, en mér finnst oft gaman að velta þessu fyrir mér sem og svo mörgu öðru. Þetta hefur nokkrum sinnum komið fyrir mig, þá oftast í vinnunni. En ég lenti í því að þetta kom fyrir mig einu sinni þegar ég var að spila bridge við ungan mjög myndarlegann dreng, það var vandræðalegt. Svo til að reyna að fá þetta til að hætta þá ákvað ég að hugsa um eitthvað fallegt eða hið minnsta eitthvað annað. Það var ekki að ganga svo ég einbeitti mér betur og ákvað að tönglast bara á einhverju einu orði og það gekk afburðar vel þar til ég áttaði mig á því hvaða orð ég var farin að endurtaka aftur og aftur í höfðinu (vona að ég hafi ekki muldrað það en ég er ekki alveg viss en samt 99,99% viss :oS ). Þetta snilldarorð var geirvörtur! Ég held mig hafi aldrei langað eins mikið að skríða undir borð líkt og þarna! Ég held nú að gaurinn hafi getað lesið hugsanir því hann varð svolítið vandræðalegur og vildi helst ekki spila við mig annan leik... ég þvertek fyrir það að ég hafi sagt nokkuð upphátt! posted by Unknown 21:49

 
Óhöpp á óhöpp ofan

Ég lenti í því fyrir þó nokkru síðan að ég var að keyra á gamla bílnum mínum og lenti í því óhappi að rétt aðeins sleikja afturbretti... stuðarann á jeppa einum sem var kyrrstæður. Ég í minni samvisku skyldi eftir miða þar sem ég baðst afsökunar á þessu óhappi... já og símann hjá mér. Eigandi jeppans var þakklátur fyrir heiðarleika minn og vildi að ég lagaði bílinn sinn, sem og ég gerði. Hann lét sprauta þetta smá horn á stuðaranum sínum og það kostaði mig litlar 25.000 kr. Var upprunalega ekki hugsað um stuðara sem stuðningshlíf fyrir bílinn ef ske kynni að hann lenti í árekstri? Erlendis veit ég að stuðararnir eru notaðir til þess að ýta aðeins við bílum t.d. til að geta troðið sér inn í hin minnstu stæði.
Ég mundi eftir þessu atviki því nú er ég að alsprauta bílinn minn og ég er ekkert svo spennt að fá reikninginn :,( Nei, ég lenti ekki í árekstri, en engu að síður ef ég vildi að bíllinn héldist lifandi þá var þetta nauðsynlegt. Það er alltaf sama óheppnin sem fylgir mér! En svona er lífið, þetta reddast allt og svona smotterí gera held ég engum mein. Það sem ekki drepur mann gerir mann sterkari ;o) posted by Unknown 21:26

 
Bílhlöss og bílastæðaleysi

Það er ekkert grín að búa í miðborg Reykjavíkur þar sem götur eru þröngar og erfitt er að fá bílastæði nálægt heimili sínu. Svo er ekki ofan á það bætandi að tvem hjúmöngus gámum var parkerð beint fyrir utan húsið mitt og það líka í breiðu götunni minni. Jú jú maður sætti sig við að leggja í Hafnarfirði og ganga heim því þetta átti einungis að vera stutt dvöl. Jáhá stutt dvöl my ass! Stutt dvöl flokkast undir 2-3 daga en við erum að tala um heila viku og auka dag eða tvo... 8 eða 9 daga vera þessara hlassa. Ekki nóg með það voru þetta holræsahreinsigámar og sjálfum gámnum með öllu ógeðinu... ekki því sem kom uppúr holræsunum sem betur fer heldur því sem þeir nota til að losa um allt jukkið, var einmitt gámurinn sem var fyrir utan eldhúsgluggan. Þannig að yndisleg olíubrælan lék um elhúsið ásamt restinni af íbúðinni á meðan fjölskyldan gekk um með gasgrímur og óttuðust um líf sitt. Það að labba inn í íbúðina eftir ágætis gönguferð var einsog að fara í sturtu uppúr olíu sem spítist fersk upp úr borholunni. Ógeð! Nú er þetta á enda og bíllinn minn fær stæði þegar ég fæ hann aftur sennilega á föstudaginn, sem nýjan. posted by Unknown 21:11

sunnudagur, maí 04, 2003

 
Pilsveður

Þetta er einmitt það sem ég hef beðið eftir í alveg heila viku, pilsveður :) Ég ætlaði í pilsi í vinnuna á mánudaginn síðasta en þá var þetta líka fína GLUGGAVEÐUR! Núna gafst loks tækifæri og er ég búin að vera að spóka mig í pilsi í allan dag. posted by Unknown 18:13

föstudagur, maí 02, 2003

 
Ég fékk brilliant hugmynd

Ég fór að hugsa, já, ég get það í alvörunni! Því eigum við, þá í aðallega merkingunni ég því ég er ekki nógu góð í nýjasta slangrinu... æj hætt´að dissa mig! Já, því eigum við það til að nota málshætti og orðasambönd á borð við "Þú hittir naglann á höfuðið", "Þar fékkstu flugu í hausinn", "Þú slóst tvær flugur í einu höggi", "Það kviknaði á perunni", "Þú ert að gera úlfvalda úr mýflugu" og "Þú ert með lausa skrúfu". Við gætum alveg eins notað setningar líkt og "Passaðu þig á hamrinum" þá í mekingunni ef þú fleiri svona frábærar hugmyndir gætirðu fengið hamar í hausinn því ég er geðveikt öfundsjúk/ur.
Hvaðan eru þessar setningar komnar? Hvað merkja þær almennt og í augum mínum? Þetta er allt úr gamalli íslenskri túngu, einsog Laxness heitinn myndi orða það. Nóg komið af uppruna þeirra en hvernig skal túlka þær?
Setning *rétt túlkun* Mín túlkun
"Þú hittir naglan á höfuðið" *einmitt* Þú hittir betur næst
"Þar fékkstu flugu í hausinn" *góð hugmynd* Heppin/n að það var bara fluga, hefði getað verið kýr
"Þú slóst tvær flugur í einu höggi" *frábært* Maður á ekki að drepa! Öll dýrin í skóginum eiga að vera vinir
"Það kviknaði á perunni" *Aha* Hefðirðu verið lengur að fatta þetta hefði kviknað í öllu húsinu! #blíbb#
"Þú ert að gera úlfvalda úr mýflugu" *ofgjörningur*(huh) Þú hefðir nú getað búið til eitthvað betra til en úlfvalda!
"Þú ert með lausa skrúfu" *gú-gú* Mér finnst þú ættir að herða hana svo hún detti ekki.

Það var snillingur að nafni... ég veit ekkert hvað sá snillingur hét eða heitir en engu að síður þá datt honum það í hug að þessi gamla og útþvælda íslenska væri nú að segja sitt síðasta (síðasta hvað spyr ég nú?). Því ætti að breyta þessu formlega og flotta máli og segja einfaldlega "brilliant" og benda á manneskjuna sem fékk hugmyndina eða segja "gú-gú",snúa vísifingri annarar handar í hring um annað eyrað og líta mjög hissa eða hneyksluð/aður út. Mér líkar fremur illa að okkar ylhýra tungumál er að hverfa úr samfélaginu og annað sem kennt er við íslENSKU er að koma í staðinn. Tökum á þessu og kennum börnunum okkar ÍSLensku!

(huh) = ég er alveg vissum að þetta orð sé til? Nennti samt ekki að fletta því upp í orðabók til að vera viss og svo kann ég ekkert á þannig bækur hvort eð er. Bundinn pappír eða í kilju með fullt fullt af stöfum en fáum sem engum myndum :(
#blíbb# = ljóshærði hálfvitinn þinn!
E.s. Rétt túlkun varð því miður að vera einungis í þrem orðum eða minna annars hefði ég þurft að minnka við mína túlkun og við vitum öll að það er ekki hægt ;o)
E.e.s. Vil benda á að klausan hér að ofan og stafsetning hennar er ekki á ábyrgð höfundar né heimasíðu þessarar. posted by Unknown 22:40